年輕主持 —— 椰青,以輕鬆訪談方式,與聽眾深入了解「運動」背後的人和事。嘉賓層面廣泛,除了知名運動員,也有你的朋友、鄰居,甚至是只與你有過一面之緣,跟你於街場鬥過一場波的陌生人。運動素人是他是她也是你和我,日常故事看似平淡,其中總有不凡事得你共鳴。 逢星期三,《Sportso-mate》跟你促膝言歡。 主持:椰青
Podcast
150 episodes
2025-02-19
EP.150|陪我講|嘉賓:女子100米短跑運動員 梁筠宜
造物主創造人類嗰陣,點解要畀個嘴巴大家?除咗用於食嘢維持生命,可能都想大家多啲用把口分享,表達心入面嗰句,以減少互相猜測所產生嘅誤會。香港女子100米短跑運動員 梁筠宜好鍾意同人傾偈,所以今集《Sportsomate》就邀請咗佢上嚟同主持椰青吹水無邊。由外表講到性格;由開跑嘅優噏講到受傷嘅陰霾。2024年係筠宜過得比較辛苦嘅一年,原本對自己寄予厚望,但因為受傷而陷於低潮,平時樂於分享嘅佢,都變得有口難言。可幸嘅係,今日佢終於可以喺節目入面嘻嘻哈哈咁講故事!最近復出重返賽場,筠宜其實都有啲壓力,不如一人一句轟炸吓佢? 主持:椰青 嘉賓:女子100米短跑運動員 梁筠宜 Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho

2025-02-12
EP.149|人生的形狀|嘉賓:極地嚮導 Katie Liu
南極嘅風係點㗎?行入南極冰川,原來嗰種凍係會由腳趾一直凍到入心?有關極地嘅數據同圖片,上網打兩隻字就搵到,但憑住一張圖、一條片,我哋可以感受到嘅有幾多呢?攀石愛好者 Katie Liu 喺幾年前先知道原來世界上有極地嚮導呢份工作,為咗可以親身體驗南極,Katie 自學咗好多冰雪知識,但佢冇諗過機會比佢想像中更早嚟到。踏上南極船甲板嘅一刻,曾經幻想過嘅畫面終於出現眼前,Katie 有咩感覺?每一場同冰雪、野生動物、客人甚至同事嘅邂逅都係唯一,Katie 發現人生真係可以有唔同嘅形狀。今集《Sportsomate》,或者我哋都可以一齊學吓「在有限的時空裡,過無限廣大的日子」。 主持:椰青 嘉賓:極地嚮導 Katie Kiu Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho

2025-02-05
EP.148|男校女生|嘉賓:體育組老師 鍾慧樺 Ice
體育同學業能否並行,係唔少學生運動員面對緊嘅問題,作為體育組老師嘅鍾慧樺(Ice)亦感同身受。Ice 自己係沙排同排球運動員,一直都相信「體教合一」,學生嘅表現亦令佢深信兩者並行並非遙不可及。有學生為咗團隊而放棄自己個人榮譽、有學生面對傷患依然沉住氣無間斷比賽,喺一間傳統男校任教,每日望住醉心學界比賽嘅男生,呢位女老師同佢嘅學生係點樣互相影響?喺女校出身嘅 Ice,入行前原來畀前輩「警告」過千祈唔好教男校?除咗教學同個人運動訓練,Ice 最近仲踏足幕前,係咩原因令佢踩埋入電視綜藝? 主持:椰青 嘉賓:體育組老師 鍾慧樺 Ice Sportunes 網站 | www.sportsoho.com/sportunes Instagram | www.instagram.com/sportunes_by_sportsoho Facebook | www.facebook.com/sportuneshk Sportsoho 網站 | www.sportsoho.com Instagram | www.instagram.com/sportsoho Facebook | www.facebook.com/hksportsoho Youtube | www.youtube.com/sportsoho
